Блатэра і Плаціні западозрылі яшчэ ў адной падазронай плаце

Плата з сямізначнай лічбай была зробленая ў перыяд з 1998 па 2002 гады нібыта для аплаты офіса Плаціні ў Парыжы.



Крымінальная справа ў дачыненні да былога прэзідэнта Міжнароднай футбольнай асацыяцыі (ФІФА) Ёзэфа Блатэра можа атрымаць далейшае развіццё, піша нямецкае выданне Frankfurter Allgemeine (пераклад - РБК).
Газета паведамляе аб новым эпізодзе, які ўзмацняе падазрэнні ў злоўжываннях, якія тычацца Блатэра і былога прэзідэнта Еўрапейскай футбольнай асацыяцыі (УЕФА) Мішэля Плаціні. Гаворка ідзе пра яшчэ адзін перавод, які экс-кіраўнік ФІФА зрабіў на рахунак Плаціні. Расследаванне гэтага факту праводзіць швайцарская федэральная пракуратура.
Паводле інфармацыі Frankfurter Allgemeine, у плаце фігуруе сямізначная сума. Яна была зробленая ў перыяд з 1998 па 2002 гады для аплаты офіса Плаціні ў Парыжы. Тады француз з'яўляўся дарадцам Блатэра і заўсёды падтрымліваў яго на выбарах прэзідэнта ФІФА.
Карупцыйны скандал у ФІФА пачаўся ў траўні 2015 года, калі за некалькі дзён да выбараў кіраўніка арганізацыі ФБР абвінаваціла шэраг высокапастаўленых чыноўнікаў ФІФА ў вымагальніцтве і махлярстве. У верасні 2015 года швайцарскія ўлады распачалі крымінальную справу супраць Блатэра. Паводле іх інфармацыі, у 2011 годзе ён здзейсніў неправамерную плату, калі перавёў кіраўніку УЕФА і віцэ-прэзідэнту ФІФА Мішэлю Плаціні 2 млн швайцарскіх франкаў. Сам экс-кіраўнік ФІФА адхіліў гэтыя абвінавачванні.
У канцы снежня Блатэра і Плаціні адхілілі ад футбольнай дзейнасці на восем гадоў. У канцы лютага тэрмін іх дыскваліфікацыі быў скарочаны на два гады.
Паводле Хартыі'97