Украіна. Актывісты апублікавалі здымкі неверагодных маштабаў незаконнай здабычы бурштыну (фота)



З дапамогай дрону актывісты знялі маштабы нелегальнай здабычы бурштыну. Фота AutoMaidan

На мяжы Ровенскай і Валынскай абласцей каля вёскі ў Кухіцкая Воля адначасова сотні, калі не тысячы людзей нелегальна здабываюць бурштын.

Пра гэта на сваёй старонцы ў сацсетцы паведаміла грамадская арганізацыя "АўтаМайдан". З дапамогай дрону актывісты знялі маштабы нелегальнай здабычы бурштыну. "Знаходзімся цяпер каля вёскі Кухіцкая Воля, Ровенская вобласць. Тут рэальна жах: сотні, калі не тысячы людзей адначасова здабываюць бурштын. Вядома, абсалютна нелегальна", — гаворыцца ў паведамленні арганізацыі, адзначае www.unian.net.

На здымках відаць разнастайную спецтэхніку: трактары, экскаватары, мотапомпы, з дапамогай якіх і намываюць бурштын, "у тым ліку дзясяткі ваенных грузавікоў, якімі арганізавана перавозяць помпы разам са "старацелямі". Памятаем, як хлопцы, падчас нашых паездак у зону АТА, казалі, што падобных грузавікоў ім там вельмі не хапае. Мы ім грузавікі праблематычна, але даставалі, рамантавалі. Тут жа іх дзясяткі, прычым амаль усе ў добрым стане".

Відаць разнастайную спецтэхніку: трактары, экскаватары. Фота AutoMaidan

У паведамленні гаворыцца, што здабытчыкі бурштыну тут нікога не баяцца, не хаваюцца, нават блокпастоў ніякіх няма, як было падчас леташняга рэйду Аўтамайдана на Жытоміршчыну. Народ проста прыязджае на матацыклах, аўтамабілях, мікрааўтобусах і літаральна ля дарогі з ходу пачынае "працаваць".

"Не заўважыць праваахоўнікі і ўлада ў цэлым увесь гэты жах проста не маглі. Такім чынам, усе маюць тут свой інтарэс. Іншага варыянту мы тут проста не бачым",  — адзначылі ў арганізацыі.

 

 

Здабытчыкі бурштыну тут нікога не баяцца, не хаваюцца. Фота AutoMaidan

Таксама ў паведамленні нагадваецца аб тым, што прэзідэнт Пётр Парашэнка абяцаў за два тыдні навесці парадак з незаконнай здабычай бурштыну ў ліпені мінулага года пасля апублікаванага актывістамі відэа катастрафічных наступстваў маштабнай нелегальнай здабычы бурштыну на Жытоміршчыне вобласці.

 

 

Не заўважыць праваахоўнікі і ўлада ўвесь гэты жах проста не маглі. Фота AutoMaidan