Мінюст патрабуе прыпынення дзейнасці «Прававой ініцыятывы»

Міністэрства юстыцыі патрабуе прыпынення дзейнасці праваабарончай арганізацыі «Прававая ініцыятыва».

Прадстаўнікі «Прававой ініцыятывы» атрымалі ліст з Вярхоўнага суда, у якім паведамляецца, што пасяджэнне па пазове Міністэрства юстыцыі аб прыпыненні дзейнасці арганізацыі прызначана на 30 ліпеня.

На мінулым тыдні ў сябра праўлення «Прававой ініцыятывы» Галіны Усцінавай на дачы адбыўся ператрус. Канфіскавана тэхніка, дакументы і мабільны тэлефон. Па месцы рэгістрацыі старшыні «Прававой ініцыятывы» Вікторыі Фёдаравай таксама быў ператрус у сувязі з крымінальнай справай па масавых беспарадках.Вікторыя за межамі Беларусі з сакавіка 2021 года.
«Прававая ініцыятыва» займалася дакументаваннем сведчанняў ахвяр пратэстаў у Беларусі.