Першы Дзень народзінаў без Юрыя Зісера. TUT.BY споўнілася 20 гадоў

Сёння галоўнаму інфармацыйнаму парталу Беларусі споўнілася 20 гадоў. Вось, што напісала рэдакцыя згэтай нагоды.

"Нам сёння споўнілася 20 гадоў. І мы, вядома, ўяўлялі сабе гэты дзень нараджэння іншым.
Упершыню мы адзначаем яго без заснавальніка TUT.BY Юрыя Зісера, дзіўнага чалавека, які зрабіў шмат важнага не толькі для нашай вялікай каманды, але і, па-за усялякіх сумневаў, для ўсёй краіны.
Юрый Анатольевіч, мы ведаем, што вы з намі. Мы памятаем пра свабоду, сумленнасць, пра права на памылку. Мы памятаем, што сапраўдны поспех — гэта тады, калі прыносіш карысць людзям. Мы адчуваем вашу падтрымку і спакойна ідзем наперад.
2020-ы — няпросты для нас год. Гэта і цяжкая страта, і палітычныя і сацыяльныя ўзрушэнні ў краіне, якія не маглі абыйсці бокам TUT.BY як самы чытаны беларускі інтэрнэт-рэсурс.
Нашых журналістаў затрымлівалі, давалі ім суткі, адно за адным нам выносілі папярэджанні, а цяпер для TUT.BY прыпынены статус СМІ.
Але ёсць і добрыя навіны.
У нас дадалося чытачоў: у снежні 2019-га ахоп TUT.BY складаў 62,72% беларускай інтэрнэт-аўдыторыі, а ў жніўні 2020-га — 68,62%. У снежні старонкі TUT.BY адкрылі амаль 230 мільёнаў разоў, а ў жніўні 2020-га — амаль 420 мільёнаў. Канал TUT.BY на Youtube атрымаў залатую кнопку, а TUT.BY.палітыка — сярэбраны. Кадры з лагатыпам TUT.BY сёння можна ўбачыць у многіх сусветных СМІ.
Але самае галоўнае: мы сталі значна згуртаваней і мацней. І ўнутры рэдакцыі, і ўнутры вялікай каманды TUT.BY. і значна мацней стала наша сувязь з аўдыторыяй. І сёння мы можам дакладна сказаць, што наш TUT.BY, сябры, мы робім разам з вамі. І без удзелу чытачоў і гледачоў TUT.BY быў бы зусім іншым.
Нам вельмі прыемна чуць словы падтрымкі і падзякі. Яны зараджаюць і матывуюць. Нам важна ўсведамляць, што свае 20 гадоў мы адзначаем у велізарнай кампаніі нашых сяброў.