Прысуд Сафіі Сапега агучаць 6 траўня

Прысуд палітзняволенай грамадзянцы Расіі Сафіі Сапега абвесцяць 6 траўня, паведамляюць праваабаронцы.

Сапегу абвінавачваюць паводле 7 артыкулаў КК. Яе справа з 28 сакавіка Гродзенскі абласны суд разглядае ў закрытым рэжыме, піша REFORM.by. Аднак па беларускіх законах прысуд агучваецца адкрыта, нягледзячы на закрытасць самога працэсу.

Нагадаем, Сапегу затрымалі 23 траўня 2021 года разам з Раманам Пратасевічам пасля пасадкі рэйса Ryanair Афіны-Вільня ў Мінску.