Рух "За Свабоду" заклікае ўлады забараніць раздачу і выкарыстанне "георгіеўскіх" стужак у грамадскіх месцах

Рух "За Свабоду" распаўсюдзіў заяву, у якой заклікае беларускія ўлады забараніць раздачу і выкарыстанне ў грамадскіх месцах так званых георгіеўскіх стужак. Нагодай для заявы стала
раздача такіх стужак у мінскіх гіпермаркетах. 



"Чорна-аранжавыя сімволіка ўсё менш і менш асацыюецца з Днём Перамогі над нацызмам і фашызмам. Яна ўсё больш становіцца сімвалам расійскага імперыялізму. Пасля апошніх падзей ва Украіне яна адназначна мае новы адмоўны сэнс як услаўленне сепаратызму і ваеннай агрэсіі", — гаворыцца ў заяве. 



Рух "За Свабоду" заклікае ўрад, Мінгарвыканкам і іншыя органы мясцовай улады забараніць раздачу і выкарыстанне так званых георгіеўскіх стужак у грамадскіх месцах. 



"Мы таксама заклікаем беларусаў адмаўляцца ад выкарыстання гэтых стужак у знак салідарнасці з Украінай і пратэсту супраць ваеннай агрэсіі, прапанощваем святкаваць угодкі перамогі ў Другой сусветнай вайне з іншымі, у тым ліку нацыянальнымі, сімваламі", — гаворыцца ў заяве. 



Акцыі з раздачай "георгіеўскіх" стужак праходзяць, у прыватнасці, у сталічных гіпермаркетах сеткі "Еўраопт" і ProStore. На афіцыйных сайтах гэтых гандлёвых сетак размешчана інфармацыя аб правядзенні такіх акцый з заклікам прымацоўваць атрыманыя стужкі на аўтамабілі, адзенні, сумкі, дзіцячыя каляскі ў знак "выказвання падзякі і памяці ветэранам". 



Рух "За Свабоду" створаны пасля прэзідэнцкіх выбараў 2006 года Аляксандрам Мілінкевічам, які ўдзельнічаў у кампаніі як адзіны кандыдат у прэзідэнты ад аб'яднаных дэмакратычных сіл Беларусі.

 

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:
  • Рытарычныя пытанні

  • 2014-05-05 17:06:17
1. Можа, хопіць ужо піярыць Мілінкевіча як "адзінага" кандыдата ад "аб'яднаных дэмакратычных сіл Беларусі"? Хто патлумачыць, чым кандыдат Казулін у 2006 г. быў менш
дэмакратычны?

2. Чаму рух "За СВАБОДУ" займаецца заклікамі да ЗАБАРОНЫ?
  • Апошняе на сайце
,
Больш цікавага на «Новым Часе»: