Студэнты БДУ паведамляюць пра ціск з боку адміністрацыі перад выбарамі

Студэнты хімічнага факультэта БДУ звярнуліся да блогера Антона Матолькі з просьбай распаўсюдзіць інфармацыю пра кантроль, які распачала на факультэце намесніца дэкана па вучэбна-выхаваўчай працы Жанна Цабкала.  

skryn_pavidamlennia_bdu.jpg

Блогер апублікаваў паведамленне студэнтаў у сваім Твітары.

«Намеснік дэкана хімічнага факультэта БДУ па вучэбна-выхаваўчай працы, Жанна АнатольеўнаЦабкала (https://vk.com/zamdekana_uvr), прымушае збіраць спісы студэнтаў, якія не змогуць прагаласаваць на выбарах»

Таксама студэнты прыклалі скрыны паведамлення, якое рассылала Жанна Цабкала. Там указаныя даты, якія ахопліваюць увесь тыдзень галасавання — ад пачатку датэрміновага да асноўнага дня выбараў.

 

skryn_pavidamlennia_bdu_2.jpg

Антон Матолька звярнуўся за тлумачэннямі да спадарыні Цабкала, і яна яму патлумачыла, што на факультэце такім чынам “звяралі звесткі, хто будзе адсутнічаць у Мінску ў гэты перыяд”.  

Навошта вы шукаеце падводныя камяні там, дзе іх няма”, — заўважыла яна пры гэтым.

Як адзначаюць прадстаўнікі кампаніі “Праваабаронцы за свабодныя выбары”, “падводныя камяні” як раз у тым, што супрацоўнікі вышэйшых навучальных установаў не надзеленыя функцыямі па арганізацыі выбарчага працэсу, а дзеянні спадарыні Цабкала выглядаюць на падрыхтоўку мерапрыемтсваў па забеспячэнні яўкі на выбарах (ці проста кажучы — загон).  

Праваабаронцы звяртаюць увагу і студэнтаў і адміністрацыяў вну на тое, што ўдзел у выбарах — выключнае права выбаршчыка, ніхто не мае права кантраляваць — дзе, калі і як ён будзе галасаваць.

Інфармацыю аб тым, як, дзе, калі можна прагаласаваць выбаршчыку, распаўсюджваюць выбарчыя камісіі і афіцыйныя СМІ, падкрэсліваюць праваабаронцы.

Пра выпадкі парушэнняў назіральнікі заклікаюць паведамляць на скрыню кампаніі elections2018@spring96.org

 "Праваабаронцы за свабодныя выбары"