Facebook прыме новыя меры супраць «расійскага ўмяшання»

Кампанія Facebook будзе патрабаваць ідэнтыфікацыю ад арганізацый, якія размяшчаюць у сацсетцы рэкламу, звязаную з выбарамі.

Як перадае ТАСС, гэта павінна прадухіліць умяшанне Расіі ў выбарныя працэсы ў ЗША, паведаміў прадстаўнік Facebook Самід Чакрабарці.
Ён прызнаў промах кампаніі ў недаацэнцы ступені небяспекі «выкарыстання іншымі гульцамі сацыяльнага СМІ ў якасці інфармацыйнай зброі». Чакрабарці запэўніў, што цяпер Facebook «наганяе страчаны час», у тым ліку шляхам распрацоўкі новых мер і інструментаў для супрацьдзеяння «расійскаму ўмяшанню».
«Хутка мы будзем патрабаваць ад арганізацый, якія размяшчаюць рэкламу, якая тычыцца выбараў, пацвярджаць іх прыналежнасць, каб карыстальнікі маглі бачыць, хто аплачваў гэтую рэкламу», — распавёў Чакрабарці.
Facebook мае намер архіваваць узоры электаральнай рэкламы і рабіць іх даступнымі для пошуку ў мэтах паляпшэння справаздачнасці, дадаў ён.
Паводле newtimes.ru