Створаны адзіны кол-цэнтр для пацярпелых
Па даных праваабарончых арганізацый, за час пратэстаў па ўсёй краіне былі затрыманыя каля 7000 чалавек. Многія сваякі і сябры да гэтага часу не могуць знайсці зніклых блізкіх.
Многія знаходзяцца ў разгубленасці: дзе шукаць інфармацыю? Да каго звяртацца за дапамогай? Якія правы ёсць у затрыманых, у сваякоў затрыманых, у тых каго нядаўна выпусцілі? Як атрымаць грашовую дапамогу з фондаў ахвяраванняў?
Сёння па ўсёй краіне з'яўляюцца дзясяткі і сотні ініцыятыў па дапамозе пацярпелым па розных кірунках. Людзям вельмі складана ў іх зарыентавацца.
З гэтай мэтай быў створаны валанцёрскі праект probono.by — адзіны партал, агрэгатар адкрытых ініцыятыў дапамогі пацярпелым і тым, хто мае патрэбу ў дапамозе.
У рамках праекта пачаў дзейнічаць адзіны шматканальны кругласутачны колл-цэнтр + 375 44 709-79-11. Па гэтым тэлефоне валанцёры дапамогуць звязаць пацярпелага з ініцыятывамі, якія гатовыя яму дапамагчы.
Probono.by — гэта інфармацыйны цэнтр адкрытых ініцыятыў дапамогі пацярпелым, ён працуе па некалькіх кірунках:
пошук людзейадвакацкая дапамогаюрыдычная дапамогадапамога праваабаронцаўмедыцынская дапамогапсіхалагічная дапамогафінансавая дапамогаіншыя ініцыятывы і віды дапамогі
Калі вы маеце патрэбу ў дапамозе — тэлефануйце + 375 44 709-79-11. Колл-цэнтр працуе 24/7.
Вы таксама можаце расказаць нам распавесці аб сваёй ініцыятыве або стаць валанцёрам праекта. Для гэтага перайдзіце на сайт probono.by і націсніце кнопку "Дадаць ініцыятыву" або "стаць валанцёрам".