Turkish Airlines не будзе лётаць у Беларусь да 31 траўня

Турэцкая авіякампанія Turkish Airlines не будзе лётаць у Беларусь па 31 траўня.

Такая інфармацыя размешчана на сайце перавозчыка Turkish Airlines, паведамляе агенцтва «Мінск-Навіны».

«Нашы рэйсы з/у Мінск (Беларусь) скасаваныя да 31 траўня 2022 года», — гаворыцца ў паведамленні.

Днямі прэс-служба Нацыянальнага аэрапорта “Мінск” паведаміла, што ў іх стартавала чартарная праграма — з Беларусі ў Турцыю. Найбліжэйшыя рэйсы былі запланаваныя  на 21, 26, 28 і 29 красавіка. А з сярэдзіны траўня чартары з Беларусі ў Анталію мусілі стаць штодзённымі. Перавозчыкам выступае авіякампанія "Белавія". Планаваліся чартары ў другія турэцкія гарады.