Заблакаваны сайт «Брэсцкай газеты»

Доступ да сайту «Брэсцкай газеты» абмежаваны па пастанове пракурора Брэсцкай вобласці. Як паведамляе служба інфармацыі пракуратуры Брэсцкай вобласці, інтэрнэт-рэсурс дапускаў «шматлікія парушэнні».

«Асобныя артыкулы суправаджаліся радыкальнымі паведамленнямі, якія распальваюць варожасць і варожасць па палітычных і ідэалагічных матывах. Публікавалася і іншая інфармацыя, якая відавочна негатыўна характарызавала грамадска-палітычную сітуацыю ў краіне пасля завяршэння выбарчай кампаніі і дыскрэдытавала дзейнасць дзяржаўных і праваахоўных органаў», — цытуе паведамленне пракуратуры REFORM.by.

Раней інфармацыйная прадукцыя сайта «Брэсцкай газеты» была прызнаная экстрэмісцкімі матэрыяламі.

У студзені гэтага года «Брестская газета» спыніла выпуск друкаванага выдання, бо друкарні адмовіліся яе друкаваць. Рэдакцыя працягнула працу на сайце і ў сацсетках.

Таксама сёння быў заблакаваны сайт «Ежедневник».