Заснавальніка медцэнтра «Нардзін» адпусцілі

Затрыманы ўчора доктар Дзмітрый Сайкоў знаходзіцца дома.

Затрыманы ўчора доктар Дзмітрый Сайкоў, заснавальнік прыватнага медыцынскага цэнтра «Нардзін» — на волі, ён знаходзіцца дома. Пра гэта паведамляе партал, прызнаны ў Беларусі экстрэмісцкім.
Нагадаем, учора стала вядома, што ў медыцынскі цэнтр «Нардзін» у Мінску прыйшлі супрацоўнікі Дэпартамента фінансавых расследаванняў, а яго заснавальніка Дзмітрыя Сайкова затрымалі разам з жонкай на лецішчы ў Браславе. У самім медыцынскім цэнтры правялі ператрус, была вынятая дакументацыя, але праца медыкаў не спынялася.