Генпракуратура ўзбудзіла справу супраць сяброў КР аб стварэнні экстрэмісцкага фарміравання і змове з мэтай захопу ўлады

Генеральная пракуратура прыняла рашэнне аб узбуджэньні крымінальнай справы ў дачыненні да сябраў Каардынацыйнай рады Святланы Ціханоўскай, Марыі Калеснікавай, Максіма Знака, Паўла Латушкі, Вольгі Кавальковай, Сяргея Дылеўскага і іншых асоб па факце стварэння экстрэмісцкага фарміравання і кіраўніцтва ім, г.зн. здзяйснення злачынства, прадугледжанага ч.1 арт.361-1 Крымінальнага кодэкса.

Паведамляецца, што ў дачыненні да Аляксея Лявончыка (сузаснавальніка By_help) i iншых грамадзян распачалі крымінальную справу ў сувязі з фінансаваннем дзейнасці экстрэмісцкага фарміравання па арт.361-2 Крымінальнага кодэкса.
Для арганізацыі папярэдняга расследавання крымінальныя справы перададзеныя ў цэнтральны апарат Следчага камітэта.
Акрамя таго, па даручэнні Генеральнай пракуратуры Следчы камітэт пачаў крымінальную справу ў дачыненні да сяброў Каардынацыйнай рады і іншых асоб па ч.1 ст.357 Крымінальнага кодэкса — змова з мэтай захопу дзяржаўнай улады неканстытуцыйным шляхам.
Кожнаму факту аказання садзейнічання экстрэмісцкаму фарміраванню будзе дадзена прынцыповая прававая ацэнка, дадаюць у аддзеле інфармацыі Генеральнай пракуратуры