Кіраўнік БНФ Рыгор Кастусёў не прызнаў віны ў «змове з мэтай захопу ўлады»

Судовае паседжанне працягваецца сёння. Суд зрабілі адкрытым.

У першы дзень пракурор зачытаў абвінавачанне двум фігурантам — Аляксандру Фядуту і Юрасю Зянковічу. Аляксандр Фядута пасьля абвяшчэння абвінавачання часткова прызнаў віну.

Першага жніўня пракурор зачытаў абвінавачанне кіраўніку Партыі БНФ Рыгору Кастусёву.

Рыгор Кастусёў не прызнаў віны ні па адным з пунктаў выстаўленага яму абвінавачання ў справе «аб змове з мэтай захопу дзяржаўнай улады».

Кастусёў растлумачыў, што ўдзельнічаў у онлайн-канферэнцыі толькі як слухач.

Разгляд справы «аб змове з мэтай захопу дзяржаўнай улады», фігурантамі якой з'яўляюцца Юры Зянковіч, Аляксандр Фядута, Рыгор Кастусёў, Вольга Галубовіч і Дзяніс Краўчук, пачаўся 29 ліпеня ў будынку суду Мінскага раёну. Паведамлялася, што ён пройдзе ў закрытым рэжыме, але адразу пасля пачатку першага паседжання дачка Кастусёва паведаміла, што суд зрабілі адкрытым.

Пяцёх абвінавачаных затрымалі ў сярэдзіне красавіка 2021 года. Праваабаронцы прызналі палітвязнямі ўсіх, акрамя Зянковіча.
Фота Паўла Хадзінскага

Фота Паўла Хадзінскага

Лукашэнка тады заявіў, што яны нібыта рыхтавалі замах на яго і ягоных сыноў.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: