“Танкавы біятлон–2014” 6-й танкавай брыгады ЗС РФ на Данбасе
Новае расследаванне Informnapalm.org што да факту ўдзелу ў баёх на Данбасе ў 2014 годзе танкістаў 6-й танкавай брыгады (ЦВА, в/ч 54096, г.Ніжні Ноўгарад). У матэрыяле здзейсненая ідэнтыфікацыя і апазнанне расейскіх вайскоўцаў, якія прайшлі праз «украінскую камандзіроўку», таксама адноўленая храналогія «баявога шляху».
Факты ўдзелу зводнага падраздзялення 6-й танкавай брыгады ЗС РФ у вайне на Данбасе Informnapalm асвятляў і раней. Нашыя публікацыі абапіраліся на фота- і відэасведчаннях, таксама на інфармацыю з асабістых профіляў у сацсетках расейскіх вайскоўцаў гэтага вайсковага злучэння.
Усіх ніжэйпералічаных фігурантаў новага расследавання аб’ядноўвае прыналежнасць да тактычнай групы 6-й ТБр у складзе танкістаў і выведнікаў, з характэрнымі прыкметамі ўдзельнікаў “украінскай камандзіроўкі” — звыклы маскарад з пераапрананнямі ў баявікоў “наваросіі” (нестатутны вонкавы выгляд і форма адзення, белыя ідэнтыфікацыйныя павязкі), тэхніка — з характэрнымі ідэнтыфікацыйнымі знакамі — белымі коламі, якімі пазначаныя танкі Т-72Б3. Большасць фігурантаў нашага расследавання выклалі фатаздымкі з подпісам “камандзіроўка на Данбас 2014 г.” у фатаальбомы сваіх профіляў праз год, у 2015 годзе. Але выявіліся і такія, якія абнаўлялі фотаальбомы ў рэжыме рэальнага часу, праз што атрымалася ўдакладніць і пацвердзіць дэталі, якія былі агучаныя раней.
У профілях сацсетак расейскія вайскоўцы, якія прайшлі праз “украінскую камандзіроўку”, не гэтак часта паказваюць прыналежнасць да той ці іншай вайсковай часткі, што выклікае сумневы ў некаторых чытачоў, да таго ж, ва ўскосных, але абгрунтаваных сведчаннях, шмат хто не заўсёды спрабуе разабрацца. Таму свае чарговае расследаванне мы пачнём з відэасюжэту расейскага тэлеканалу ТВЦ, які быў зроблены ў 6-й танкавай брыгадзе ў г.Ніжнім Ноўгарадзе ў лютым 2014 году, у якім досыць лёгка можна апазнаць фігуранта №1 — танкіста гэтай вайсковай часткі Я. Расадзіна, пра якога гаворка пойдзе далей.
Вытрымка з сюжэту ТВЦ: “Яўген Расадзін засмучаны: чарговая гонка — мас-старт у мужчынаў — зноў не прынесла медалёў. Але спартсмены са зборнай для яго ўсё адно прыклад. “Калі гляджу, ведаю, што перасеклі лінію, 1, 2-е мейсца, у тройку ўвайшлі, у мяне ажно душа скалынаецца. Я таксама хачу так зрабіць”, — тлумачыць старэйшы механік-кіроўца Яўген Расадзін”. “Усе шанцы ў механіка ёсць”, — зазначае ў сюжэце журналістка Дар’я Іванова, і не памыляецца, бо Яўген Расадзін падчас летне-восеньскай кампаніі 2014 года быў выпраўлены на танкавы “біятлон” на Данбас. З яго і пачнём.
. Яўген Расадзін (https://vk.com/id301438836, архіў: https://archive.is/vBi8R) — старэйшы механік-кіроўца 6-й асобнай танкавай брыгады в/ч 54096.
Менавіта ў ягоным профілі ёсць групавыя фатаздымкі (у тым ліку і з сэрыі фота, якія мы выявілі яшчэ у верасні-кастрычніку 2014 году). На фота можна ідэнтыфікаваць і астатніх “біятланістаў” са складу тактычнай групы 6-й ТБр.
2. Павал Асытчэнка (https://vk.com/id265215458, архіў https://archive.is/2SEsS) — танкіст в/ч 54096, які найбольш дакладна падаў храналогію “баявога шляху” сваіх таварышаў у службе з 6-й ТБр, у тым ліку дэталі, якія звязаныя з прыбыццём у Растоўскую вобласць і “візітамі” на Данбас:
– 16.08.2014 фота ў вайсковай частцы ў Ніжнім Ноўгарадзе.
– 17.08.2014 пералёт з Маскоўскай вобласці ў Таганрог.
– 18.08.2014 праязджаюць ля Мемарыялу Славы на Самбецкіх вышынях непадалёк ад Таганрога.
– 09.09.2014 фота ў Матвеева-Курганскім раёне, якое захаванае ва ўсіх астатніх вайскоўцаў дзеля ўспамінаў. Характэрна, што на танках Т-72Б3 намаляваныя белыя колы.
– Таксама цікавае групавое фота “баявікоў”-танкістаў, якое выкладзенае 15 жніўня 2015 года, і фота-відэа баявых стратаў “біятланістаў” на Данбасе — пад сялом Чырвонасельскім Амвросіеўскага раёну Данецкае вобласці ў выглядзе танкаў Т-72Б3 са знаёмымі белымі коламі і фота вежы падбітага танку з 29.09.2014 г.
- Вадзім Раманюха (https://vk.com/romanyukha92, архіў: https://archive.is/qbifR) — танкіст-кантрактнік в/ч 54096, Муліна.
Вадзім Раманюха мае цікавы фотаальбом з назовам “Праца”, у якім можна пабачыць галоўных данбаскіх “біятланістаў”.
- Дзмітры Казлоў, які мае 3 акаўнты ў сацсетках (https://vk.com/id308304883, архіў:https://archive.is/4Zzux; https://vk.com/id294395700, https://archive.is/Ljt4Z; https://vk.com/id137849256,https://archive.is/3lsk8).
Дзмітры Казлоў, як і іншыя ягоныя “баявыя таварышы”, захаваў у сябе фота летне-восеньскай камандзіроўкі 2014 году на тле танкаў Т-72Б3 зь белымі коламі.
- Антон Юр’евіч, прозвішча Дзмітрыеў (https://vk.com/id270798953, архіў: https://archive.is/zbtyK) — месца службы пазначанае як 12-й танкавы полк Кантэміраўскай дывізіі, в/ч 31985 (цалкам мажліва, да падпісання кантракту ў 6-й ТБр).
У фатаальбоме Антона Юр’евіча “Армія” фігуруе шэраг групавых здымкаў з пазначанымі вышэй вайскоўцамі. Да аднаго з фатаздымкаў ёсць каментар: “… не ўгнаенне, але ўгнойвальнікі” земляў Данбаса.
Заўвага: Антон Дзмітрыеў і раней фігураваў у расследаваннях Informnapalm, у матэрыяле Anton Pavlushko з 13 верасня 2014 году “Яны расстрэльвалі украінцаў пад Ілавайскам”, у якім яго можна пабачыць на знакамітым фотаздымку інтэрвэнтаў, дзе ён пазуе на тле паказніка ўезду ва ўкраінскае сяло Чырвонасельскае (укр. Червоносільське) у Амвросіеўскім раёне Данецкае вобласці Украіны. Старую старонку https://vk.com/id190406855 А.Дзмітрыеў выдаліў, але быў апазнаны на новай:https://vk.com/id270798953 (архіў: https://archive.is/zbtyK).
6. NikolaWoolf, сапраўднае імя Мікалай Мінакоў (https://vk.com/id274236475, архіў:https://archive.is/AQdsN) — вайсковец в/ч 54096.
Фатаздымкі падчас “растоўска-ўкраінскай камандзіроўкі 2014 году” з таварышамі ў службе
- Раман Громаў, сапраўднае імя Раман Шкірын (https://vk.com/id229965209, архіў:https://archive.is/LLia7)
Фотаздымкі падчас “паўднёвай камандзіроўкі 2014 году”
- Дзмітры Карасёў (https://vk.com/dimakoras, архіў: https://archive.is/O2ffN)
Таксама ёсьць на прадстаўленым вышэй групавым фатаздымку зь Мікалаем Мінаковым зь белымі нарукаўнымі павязкамі на бране танку зь іншым таварышам у службе IssakClarke.
10. Ісаак Кларк, сапраўднае імя Алег Сапруноў (https://vk.com/id309774399, архіў:https://archive.is/Y3KpY).
- Арцём Вілкоў (https://vk.com/vill7777777, архіў: https://archive.is/sHtBn) – выведнік зводнага тактычнага падраздзялення.
Фота падчас “паўднёвай камандыроўкі 2014 году”
Апроч вышэйпазначаных, у фотаальбоме А.Вілкава мы выявілі Сяргея Градава (Якушаў), які раней фігураваў у нашых матэрыялах. Аднак, варта зазначыць, што Градаў-Якушаў згадваўся, як вайсковец выведпадраздзялення 9-й АМСБр з г.Ніжняга Ноўгарада, але паводле новай атрыманай інфармацыі было вызначанае, што ён з'яўляецца выведнікам выведпадраздзялення 6-й танкавай брыгады з таго ж Ніжняга Ноўгарада. Гэта ніякім чынам не скасоўвае факт выканання ім злачынных загадаў на Данбасе.
Варта зазначыць, што ня ўсе вайскоўцы 6-й танкавай брыгады дайшлі да фінішу “танкавага біятлону” на Данбасе. Хтосьці быў “дыскваліфікаваны” — патрапіў у палон да ўкраінскіх вайскоўцаў, хтосьці выправіўся дадому ў якасці “Груза 200”.
Глядзіце тэматычныя матэрыялы што да 6-й асобнай танкавай брыгады, якія каманда InformNapalm.org падрыхтавала раней:
— Чарговая хлусня расейскай прапаганды — танкі Т-72ДЗ(БЗ). 23 верасня 2014 г.
— Расейскія вайскоўцы з 6-й танкавай брыгады маюць форму Унутраных войскаў МУС РФ. 1 кастрычніка 2014 г.
— Глянь! Знаёмыя ТАНКІ! 30 кастрычніка 2014 г.
— Куды знікаюць “тэрміновыя” расейскія кантрактнікі з Муліна. 15 лютага 2015 г.
— Інтэрнэт-карыстальнікі ідэнтыфікавалі палонных расейскіх жаўнераў пад Ілавайскам. 22 сакавіка 2015 г.
— У Растоўскую вобласць перакінутае падраздзяленне 6-й танкавай брыгады. 26 чэрвеня 2015 г.
Матэрыял да публікацыі падрыхтавала: krmvictory.
Пераклад Дзяніса Івашына