Хто забівае беларусаў? Акцыя памяці Віталя Шышова ў Адэсе (фота)

Актывісты з Беларусі сабраліся сёння ў цэнтры Адэсы, каб ушанаваць памяць загінулага кіраўніка «Беларускага дома ва Украіне» Віталя Шышова. Удзельнікі акцыі заклікалі ўлады Украіны сумленна расследаваць гэтую справу.

img_20210803_191316_logo.jpg


Віталь Шышоў знік учора раніцай, калі выйшаў на традыцыйную прабежку. Сёння ён быў знойдзены павешаным у адным з паркаў Кіева са следамі збіцця.
Кіраўнік Нацыянальнай паліцыі Украіны Ігар Кліменка заявіў, што следчыя сканцэнтраваныя на расследаванні дзвюх версій Віталя Шышова.
«Разглядаюцца версіі пра самагубства і пра забойства з імітаваннем самагубства. Гэта дзве асноўныя версіі, хаця мы не адкідаем іншых. Магчыма, падчас расследавання будуць і іншыя версіі», — паведаміў Ігар Кліменка 3 жніўня на прэс-канферэнцыі ў Кіеве.

img_20210803_190841_logo.jpg


У акцыі ўзялі ўдзел каля двух дзясяткаў чалавек. Арганізатары акцыі запалілі знічкі і ўшанавалі памяць Віталя хвілінай маўчання.



Акцыі памяці Віталя Шышова з патрабаваннямі справядліва расследаваць абставіны яго смерці сёння праходзяць у Кіеве каля беларускай амбасады, у іншых гарадах Украіны, а таксама ў Вільні, Тбілісі і г.д.