Калумбія. Правал наркарэвалюцыі

Венесуэльская апазіцыя арыгінальна пракаментавала вынікі рэферэндуму ў суседняй Калумбіі, дзе большасць прагаласаваўшых выказалася супраць мірнай дамовы з партызанамі з лявацкай групоўкі FARC. 

Супраць міру на рэферэндуме прагаласавала 50,2 працэнта калумбійцаў.

На думку венесуэльскіх антычавістаў, гэта быў свядомы выбар супраць пагрозы прыходу да ўлады камуністаў, якія звязаныя з наркамафіяй.

Маўляў, праект цяперашняй мірнай дамовы быў планам, распрацаваным у Гаване, дзе адбываліся перамовы. Яго аўтары падкупілі калумбійскага прэзідэнта Сантаса, каб той пасля плебісцыту амніставаў экстрэмістаў і дазволіў іх удзел у палітычным жыцці краны.

Паколькі камуністы абапіраюцца на рэсурсы наркамафіі, яны маглі быць пагрозай для ўсяго лацінаамерыканскага кантыненту.

Цікава, што афіцыйныя ўлады ў Каракасе таксама віталі вынікі плебісцыту. Для іх рэферэндум ёсць вышэйшая форма дэмакратыі, як казаў вялікі Уга Чавес.

Паводле іспанскай прэсы