Крым надалей застаецца без электраэнергіі
Рамонт ліній электраперадач блакуюць татары.
Фота Reuters
У Крыме абвастраецца сітуацыя. У суботу невядомыя падарвалі слупы лініяў электраперадач у Херсонскай вобласці. Дагэтуль невядома, хто гэта зрабіў.
У Крыме абвешчана надзвычайнае становішча да часу, пакуль на паўвыспу не будзе вернутая электраэнергія. 80% энергіі ў Крыме паходзіць з Украіны.
Супраць рамонту ліній электраперадач выступаюць крымскія татары, якія не пагаджаюцца з расійскай акупацыяй.
Лідар крымскіх татар Мустафа Джамілеў, дэпутат украінскага парламенту, паінфармаваў, што татары дазволяць рамонтным брыгадам працаваць пры ўмове, што расейцы выпусцяць з арыштаў татарскіх і ўкраінскіх дзеячаў, якіх пераследуюць па палітычных матывах. Адначасова Джамілеў адзначыў, што татары дазволяць адрамантаваць лініі, якія перасылаюць энергію ў Херсонскую вобласць.