Мэр Славянска паведаміў аб самым маштабным за апошні час абстрэле горада

Па папярэдняй інфармацыі, загінула 6 чалавек.

1_12_3.jpg

Славянск у Данецкай вобласці падвергся «самаму маштабнаму абстрэлу за апошні час», заявіў мэр горада Вадзім Лях.
Паводле яго слоў, у выніку абстрэлу ёсць загінулыя і параненыя. Лічбы мэр не прывёў.
Спікер Данецкай абласной адміністрацыі Таццяна Ігнатчанка заявіла «Суспільне Навіны», што ў выніку атакі загінулі шэсць чалавек, яшчэ 15 пацярпелі.
Як паведамлялася раней, пад абстрэл у Славянску патрапіў у тым ліку адзін з гарадскіх рынкаў.