Украіна. Бандэра дапамагае змагацца з цыклонам

Народны дэпутат ад украінскай нацыяналістычнай партыі «Свабода» Ігар Мірашнічэнка стаў ахвярай жартаўнікоў. У суботу падчас снежнага апакаліпсісу ў Кіеве ананімныя аматара жартаў
закінулі ў інтэрнэт ад яго імя інфармацыю пра тое, што «свабодаўцы» пад кіраўніцтва Мірашнічэнкі распрацавалі ўнікальны метад барацьбы з сумётамі.



Ігар Мірашнічэнка


Сутнасць яго ў наступным: «Калі стаць каля вялізнай гурбы і тройчы паўтарыць стары бандэраўскі лозунг: «Слава нацыі! Смерць ворагам!», то на працягу максімум паўгадзіны сумёт знікае». Яшчэ больш эфектыўны метад — каля масіву снегу паставіць плакат з выявай Сцяпана Бандэры. Нарэшце, калі верыць тэксту прэс-рэліза, Мірашнічэнка заклікаў адмовіцца ад лапатаў — «камуністычных метадаў барацьбы са снегам». Нягледзячы на поўную бязглуздзіцу, гэту інфармацыю размясцілі шматлікія сур’ёзныя сайты. Іх рэдактары, здаецца, думаюць, што ад Мірашнічэнкі можна чакаць чаго заўгодна.

Паводле ўкраінскай прэсы

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: