За суткі загінулі 5 украінскіх вайскоўцаў, 38 параненыя

За апошнія суткі ў зоне правядзення антытэрарыстычнай аперацыі загінулі 5 украінскіх вайскоўцаў, 38 байцоў атрымалі раненні.



Пра гэта на традыцыйным брыфінгу ў чацвер распавёў прадстаўнік Адміністрацыі прэзідэнта па пытаннях АТА Андрэй Лысенка, паведамляе "Украінская праўда".

«За мінулыя суткі ў выніку актыўных баявых дзеянняў і правакацый мы страцілі 5 нашых воінаў, 38 атрымалі раненні», - сказаў Лысенка.

Па словах Лысенка, найбольшыя страты сілы АТА панеслі ў баях пад Мар'інкай і Луганскам.

Разам з тым прэзідэнт Украіны Пётр Парашэнка заклікаў ваенных быць гатовымі да магчымага поўнамаштабнага ваеннаму ўварвання Расіі.
 

Пра гэта ён заявіў падчас звароту да парламента ў сераду.
"Ваенным быць гатовым як да аднаўлення наступлення ворага, так і да поўнамаштабнага ўварвання па ўсім перыметры мяжы з Расійскай Федэрацыяй. Мы павінны быць рэальна гатовымі да гэтага", — сказаў ён.
 

Таксама прэзідэнт даручыў дыпламатам ўмацоўваць міжнародную кааліцыю па падтрымцы Украіны і не дапусціць зняцця супраць яе санкцый да ўрэгулявання сітуацыі на Данбасе і вяртання Крыма Украіне.
 

Падчас гэтага выступу Парашэнка таксама прызнаў, што абараназдольнасць Украіны, хоць і значна ўзрасла за мінулы год, усё яшчэ застаецца на мінімальным узроўні.