Расія. Рубель ставіць новыя рэкорды ў адносінах да долара і еўра

Пасля "чорнага панядзелка" расійская валюта працягнула імкліва таннець.



Курс еўра на таргах Маскоўскай біржы перавысіў 91 рубель, долар дасягнуў 74 рублёў.
Курс долара разлікамі "заўтра" да 14.28 мск вырас да папярэдняга закрыцця на 6,9 рубля — да 71,35 рубля, курс еўра — на 10,2 рубля, да 89,1 рубля, паведамляе ТАСС.

На таргах ў аўторак рубель зноў пачаў рэзкае падзенне ў адносінах да долара і еўра, паведамляе www.bbc.co.uk.

На адкрыцці таргоў Маскоўскай біржы рубель істотна вырас у адносінах да асноўных сусветных валют, аднак затым пачаўся новы спад.

На 11:39 мск долар і еўра ўсталявалі новыя рэкорды: курс еўра дасягнуў 81 рубля, долара — амаль 65 рублёў.

У ноч на аўторак савет дырэктараў Банка Расіі рэзка павысіў ключавую стаўку — з 10,5 да 17% гадавых.

Гэта стала адказам на самае сур'ёзнае падзенне курсу рубля за апошнія 15 гадоў. Павышэнне ключавой стаўкі стала ўжо шостым з пачатку года.