Беларуса-добраахвотніка ў Вільні знайшлі з нажом у сэрцы. Паліцыя ўзяла пад варту іншага экс-каліноўца

У Вільні 18 снежня адбыўся трагічны выпадак. У выніку яго загінуў былы ўдзельнік палка Каліноўскага.

З трох не зьвязаных паміж сабой крыніц «Радыё Св*бода» даведалася пра пра трагічны выпадак, які адбыўся 18 сьнежня ў Вільні — загінуў былы ўдзельнік палка Каліноўскага.

Здарэньне адбылося ў кватэры іншага экс-каліноўца. Разам зь імі таксама была жонка наймальніка жыльля.

Як паведамілі «Св*бодзе» адразу некалькі крыніц, непасрэдна перад сьмерцю загінулы нібыта папрасіў гаспадара кватэры пайсьці паразмаўляць зь ім у асобны пакой. Яны засталіся там сам-насам. У выніку празь нейкі час аднаго з грамадзян Беларусі знайшлі ў тым жа пакоі з нажом у вобласьці сэрца.

Гаспадара кватэры, былога добраахвотніка палка Каліноўскага, літоўская паліцыя ўзяла пад варту на месцы здарэньня.

У паліцыі Літвы Свабодзе пацьвердзілі, што трагічны выпадак сапраўды адбыўся. Паводле інфармацыі літоўскіх праваахоўнікаў, труп грамадзяніна Беларусі з колата-рэзанай ранай у вобласьці грудной клеткі быў знойдзены каля 00:46 18 сьнежня ў адным з жылых дамоў Вільні.

Яшчэ аднаго беларуса затрымалі, ён мае статус падазраванага. Распачатае дасудовае расьсьледаваньне паводле артыкулу 129 Крымінальнага кодэксу Літвы «Забойства».