Калі ў Мінску адключаць ацяпленне?

Мінгарвыканкам прыняў рашэнне пра адключэнне ў Мінску ацяплення.

Рашэнне аб завяршэнні ацяпляльнага сезона прынята на пасяджэнні Мінгарвыканкама. Пра гэта паведамляе "Мінск-Навіны" са спасылкай на словы намесніка начальніка ўпраўлення гарадской гаспадаркі і энергетыкі Мінгарвыканкама Дзмітрыя Марцінкевіча.

У адпаведнасці з гэтым рашэннем ацяпленне ў грамадскіх, адміністрацыйных будынках, на прамысловых прадпрыемствах адключаць заўтра, 6 траўня.

Батарэі ў жыллёвым фондзе, інтэрнатах, ВНУ, тэатрах, агульнагарадскіх лазнях, гасцініцах, а таксама ў дзіцячых садках, школах, паліклініках і бальніцах, установах сацыяльнага забеспячэння, музеях, дзяржаўных архівах, бібліятэках перастануць грэць з 10 траўня.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: