Марыя Калеснікава ўзнагароджана прэміяй Вацлава Гавела
Марыя Калеснікава ўзнагароджана прэміяй імя Вацлава Гавела, якая ўручаецца Парламенцкай асамблеяй Савета Еўропы за выдатныя заслугі ў абароне правоў чалавека. Трансляцыя вялася на сайце ПАРЕ.

Абвяшчаючы
пераможцу, старшыня ПАРЕ Рык Дамс заявіў, што Калеснікава праявіла сапраўдную
смеласць у гатоўнасці на шкоду сабе рызыкаваць уласнай бяспекай дзеля больш
вялікай мэты.
Ад імя Марыі
прэмію атрымала яе сястра Таццяна Хоміч.
Марыю Калеснікаву затрымалі ў верасні мінулага года. Пры спробе выдаліць яе з краіны яна разарвала пашпарт. 6 верасня Марыю асудзілі на 11 гадоў калоніі паводле трох артыкулаў Крымінальнага кодэкса: ч. 1 арт. 357 («Змова з мэтай захопу ўлады неканстытуцыйным шляхам»), ч. 3 арт. 361 («Заклікі да захопу ўлады або дзеянняў, якія шкодзяць нацбяспецы») і ч. 1 арт. 361-1 («Стварэнне або кіраўніцтва экстрэмісцкім фармаваннем»).
Паводле reform.by.