Міністэрства аховы здароўя выдала загад аб планавай меддапамозе

Міністэрства аховы здароўя выдала загад № 1318 ад 22 кастрычніка. Ён прадугледжвае меры па захаванні планавай медыцынскай дапамогі.

Як паведамляе прэс-служба ведамства, за тыдзень праведзена дадатковая работа па дэталізацыі аб'ёмаў планавай медыцынскай дапамогі. У рэгіёнах і сталіцы распрацаваны адпаведныя планы.
Загад прадугледжвае дадатковыя меры па аказанні планавай дапамогі ў паліклініках і амбулаторыях. У прыватнасці, арганізуюцца тэлефонныя лініі для кансультацый па пытаннях інфекцыі COVID-19 і замовы рэцэптаў на лекавыя прэпараты. Пажылым жыхарам краіны рэкамендуецца пры пагаршэнні здароўя выклікаць лекараў на дом. Таксама для іх арганізаваны аналізы і ЭКГ на доме. Рэцэпты для людзей з хранічнымі захворваннямі і інвалідаў дастаўляюцца на дом.
У паліклініках забяспечана магчымасць правядзення агульных аналізаў крыві і мачы, вызначэнне ўзроўню глюкозы крыві, правядзенне флюараграфічнага і электракардыяграфічнага даследаванняў непасрэдна ў дзень звароту.
Загад таксама рэгламентуе аказанне стаматалагічнай дапамогі, правядзенне скрынінгаў на рак, дыспансэрных медаглядаў, прафесійных аглядаў.
Рэспубліканскія навукова-практычныя цэнтры, спецыялізаваныя бальніцы ў рэгіёнах працягнуць аказваць спецыялізаваную медыцынскую дапамогу пацыентам з неінфекцыйнай паталогіяй, у тым ліку з хваробамі сістэмы кровазвароту, анкалагічнымі захворваннямі, цукровым дыябетам і іншымі ў поўным аб'ёме.
Нагадаем, на фоне росту захворвання COVID-19 Міністэрства аховы здароўя заявіла аб прыпыненні планавай меддапамогіў паліклініках. Аднак Аляксандр Лукашэнка зладзіў разнос чыноўнікам і забараніў гэта рабіць.
reform.by