Міністэрства інфармацыі заблакавала шэраг сайтаў і суполак у сацсетках

Сёння шэраг беларускіх СМІ са спасылкай на Міністэрства інфармацыі РБ паведаміў аб блакіроўцы 5 сайтаў і 12 суполак і старонак у сацсетках.

Падставай для блакіровак сталі рашэнні суда Цэнтральнага раёна Мінска. Суд вырашыў, што дадзеныя рэсурсы распаўсюджвалі "экстрэмісцкія матэрыялы" а таксама парушылі некалькі артыкулаў закона "Аб сродках масавай інфармацыі".

Міністэрства не прывяло спіс заблакаваных рэсурсаў: апошні актуальны спісе экстрэмісцкіх матэрыялаў на сайце Мінінформа датуецца 12 лютым. Аднак сёння суполка анархістаў "Прамень" паведаміла на сваіх рэсурсах, што яе акаўнт Укантакце заблакаваны і не даступны на тэрыторыі Беларусі і Расіі.

Анархісты дадаюць, што гэта ўжо другая блакіроўка іх суполкі ўкантакце. Папярэдняя адбылася год таму - адразу пасля "беларускай вясны".

Паводле 42.tut.by