Моладзь БНФ і «Арт Сядзіба» заклікаюць да «інтэрнэт пікетавання»

Моладзь БНФ разам з «Арт Сядзібай» аб'яўляюць фотаконкурс. У адказ на асуджэнне гарадзенскім судом актывістаў за «пікет у інтэрнеце» — фота з бел-чырвона-белым сцягам у сацыяльнай сетцы «Фэйсбук».

 
«Гэтай акцыяй мы праяўляем салідарасць з асуджэннем у Горадні. Таксама мы хочам паказаць, што рабіць фотаздымкі з бел-чырвона-белым сцягам не злачынства! Таму аб'яўляем конкурс фота з ім!» — кажа намеснік старшыні мінскай арганізацыі «Моладзь БНФ» Мікіта Краснакуцкі.
 
Для ўдзелу ў ім трэба сфатаграфавацца з бел-чырвона-белым сцягам на вуліцы. Выкласці сабе на старонку ў вк з хэштэгам конкурсу #інтэрнэтпікет.
 
За перамогу крама Symbal.by абяцае ўзнагародзіць бел-чырвона-белымі сцягамі з «Пагоняй», рамянямі і цішоткамі з нацыянальнымі сімваламі!

Усе падрабязнасці на сайце Моладзі БНФ і ў сацыяльных сетках Моладзі БНФ і Symbal.by Прэс-служба Моладзі БНФ