Моладзь БНФ заклікае ўшанаваць памяць літаратара-франтавіка Васіля Быкава

Заўтра, 8 траўня, Моладзь БНФ ладзіць ўскладанне кветак легендарнаму літаратару-франтавіку Васілю Быкаву.

"Васіль Быкаў — літаратар з вялікай літары, франтавік і беларус, — гаворыцца ў закліку. — Менавіта Васіль Быкаў пачаў пачаў пісаць пра вайну не з боку гледжання камуністычнай прапаганды, а вачамі звычайных людзей.

Менавіта Васіль Быкаў паказаў сваімі творамі важнасць маралі, чалавечага выбару і моцнай волі.

Менавіта Васіль Быкаў адзін з заснавальнікаў БНФ.

Менавіта Васіль Быкаў адзін з самых яскравых літаратараў нашай найноўшай гісторыі.

Менавіта Васіль Быкаў змагаўся з сучасным дыктатарскім рэжымам.

Чалавек, асоба жыве да той пары, пакуль аб ёй памятаюць. Мы, Моладзь БНФ, памятаем.

І мы заклікаем памятаць і вас!

Мы запрашаем усіх жадаючых далучыцца да нашай акцыі па ўскладанні кветак на магілу вялікаму літаратару і дзеячу Васілю Быкаву, каб ушанаваць памяць гэтага сапраўды важнага для беларускай гісторыі чалавека.

Ускладанне адбудзецца на магіле Васіля Быкава на Усходніх могілках. Збор а 14.00 каля ўваходу".

Прэс-служба Моладзі БНФ