Ніну Багінскую затрымалі і адвезлі ў псіхіятрычны цэнтр у Навінкі ў яе юбілей

Напярэдадні легенда нацыянальнага руху адзначала 75 гадоў. На свае народзіны спадарыня Ніна выйшла на вуліцы Мінска з плакатам «Свабоду палітвязням».

Ніна Багінская

Ніну Багінскую затрымалі і адвезлі ў псіхіятрычны цэнтр у Навінкі ў яе юбілей.

Напярэдадні легенда нацыянальнага руху адзначала 75 гадоў. На свае народзіны спадарыня Ніна выйшла на вуліцы Мінску з плакатам «Свабоду палітвязням».

«Яны выклікалі хуткую дапамогу, завезлі ў Навінкі. У Навінках я не першы раз, далі толькі паперку падпісаць, што я не адчуваю патрэбы ў лячэнні, што я псіхічна здаровы чалавек. Я села на 18-ы аўтобус і прыехала дахаты», — распавяла Ніна Багінская.

Таксама міліцыянты склалі на Ніну Багінскую пратакол. Спадарыня Ніна патлумачыла гэтак званым сілавікам, што напярэдадні быў таксама юбілей палітвязня Паўла Севярынца, які, як і мноства людзей, сядзіць за кратамі, а таму неабходна патрабаваць іх вызвалення.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: