Бясплатныя візы на «Басовішча»–2018
Заяўкі на бясплатныя візы на «Басовішча» збіраюцца да 29 чэрвеня!
Арганізатары „Басовішча-2018” паведамілі ў сваім Фэйсбуку пра магчымасць атрымання ў Мінску бясплатнай візы для ўсіх ахвотных прыняць удзел у 29-м выпуску Фестывалю „Басовішча”:
"Сябры з Менску, маем для вас добрую навіну! Можаце падаваць фармуляр на візавую падтрымку! Візы будуць аформлены ўсім жадаючым! Візы бясплатныя! Заяўкі збіраюцца да 29 чэрвеня!!!! Заяўку на бясплатную візу можна запаўніць пераходзячы па спасылцы. Падрабязная інфармацыя адносна падачы візавай анкеты знаходзіцца пад адрасам muztur.by
Як абяцаюць арганізатары, неўзабаве бясплатныя візы магчыма будуць выдавацца таксама ў Гродна і Брэсце.
Нагадаем, што ХХІХ Фестываль Музыкі Маладой Беларусі БАСовішча ў 2018 годзе пройдзе 20–21 ліпеня ў Гарадку ля Беластока.
У гэтым годзе на гарадоцкай сцэне зайграюць: Крамбамбуля, Neuro Dubel, :B:N:, Разбітае Сэрца Пацана, НагУаль і Петля Пристрастия, ILO&friends, Колір, Snop Snoŭ, Eryk i Ja, МЦ2 MorkvoЦвет, Will’N’Ska.
Для гледачоў-наведвальнікаў фестываль бясплатны. Усе цікавыя і актуальныя звесткі пра фестываль вы знойдзеце на нашым сайце ў закладцы „БАСовішча-2018 чакае ВАС!”.