Беларусь прыпыніла пастаўкі ў Расію прадукцыі жывёльнага паходжання

Беларусь прыпыніла экспарт прадукцыі жывёльнага паходжання з шэрагу сваіх прадпрыемстваў. Пра гэта намеснік міністра сельскай гаспадаркі і харчавання Беларусі, дырэктар дэпартамента ветэрынарнага і харчовага нагляду Аляксандр Субоцін праінфармаваў кіраўніка Рассельгаснагляда Сяргея Данкверта.

У лісце гаворыцца, што дэпартамент арганізаваў правядзенне расследаванняў з удзелам тэрытарыяльных органаў Міністэрства аховы здароўя, Дзяржстандарта, упраўленняў ветэрынарыі камітэтаў па сельскай гаспадарцы і харчаванні аблвыканкамаў "з мэтай ўстанаўлення фактараў, якія прывялі да выпуску прадукцыі, што не адпавядае патрабаванням тэхнічных нарматыўных прававых актаў".
Пра вынікі расследаванняў дэпартамент праінфармуе Рассельгаснагляд. Раней гэтая расійская структура звярнулася да дэпартамента ветэрынарнага і харчовага нагляду Беларусі з просьбай прыпыніць пастаўкі ў Расію прадукцыі шэрагу прадпрыемстваў, бо ў ёй выявілі не заяўленыя вытворцамі генна-мадыфікаваныя кампаненты.
Паводле euroradio.fm