Леў Марголін: Мы павінны пабудаваць жорсткую, незалежную заканадаўчую базу

Правядзенне новых, свабодных і справядлівых прэзідэнцкіх выбараў абмеркавалі ўдзельнікі міжнароднай анлайн-канферэнцыі пад назвай «Дэмакратычныя выбары для вырашэння крызісу ў Беларусі».

Каардынатар працоўнай групы па новай Канстытуцыі Леў Марголін адзначыў неабходнасць стварэння незалежных ад улад выбарчых інстытуцый.

— Мы павінны пабудаваць жорсткую заканадаўчую базу, якая была б цалкам незалежная ад дзеючай улады і забяспечвала б свабоду і празрыстасць на ўсіх этапах выбарчага працэсу. Менавіта гэтай мэце прысвечаны і праект трэцяга раздзелу новай Канстытуцыі Рэспублікі Беларусь, распрацаванай працоўнай групай грамадскай канстытуцыйнай камісіі.

У канферэнцыі пад назвай «Дэмакратычныя выбары для вырашэння крызісу ў Беларусі» ўдзельнічалі таксама прадстаўнікі Еўрапраламента і Парламенцкай асамблеі АБСЕ.

Адной з асноўных тэм стала магчымасць правядзення датэрміновых прэзідэнцкіх выбараў у Беларусі.

Антон Разумоўскі, «Беларускае Радыё Рацыя»