«Пуцінская Расія ў агляднай будучыні будзе знаходзіцца ў апазіцыі да Еўрапейскага Саюза. Пуцін будзе выкарыстоўваць кожнае наша рознагалоссе, кожную нашу слабасць.
І іншыя аўтакраты пераймаюць яго.
Толькі ўзгадайце пра тое, як беларускі дыктатар Лукашэнка аказваў на нас палітычны ціск, выкарыстоўваючы пакуты тысяч бежанцаў, мігрантаў з Блізкага Усходу.
І Кітай, і іншыя краіны таксама будуць выкарыстоўваць нашы неабароненыя флангі, пакуль мы, еўрапейцы, будзем спрачацца адно з адным», — заявіў Олаф Шольц.
Нагадаем, напярэдадні канцлер ФРГ Олаф Шольц заявіў, што перад пачаткам вайны ва Украіне Уладзімір Пуцін казаў яму пра свае вар'яцкія ідэі, у тым ліку пра тое, што Беларусь і Украіна не павінны быць самастойнымі і суверэннымі дзяржавамі.
