Санкцыі застаюцца: беларускія спартсмены не паедуць на Алімпійскія гульні-2024

У выніку «інтэнсіўнага абмеркавання» Міжнародны алімпійскі камітэт вырашыў працягнуць санкцыі ў дачыненні да Беларусі і Расіі за ўварванне ва Украіну.

_belarus_horad_sport_zyccjo_2022_fota_dzmitryeu_dzmitryj_novy_czas__2__logo.jpg

9 снежня ў Лазане прайшоў саміт Міжнароднага алімпійскага камітэта. Спартыўныя функцыянеры дамовіліся працягнуць забарону на ўдзел беларускіх і расійскіх спартсменаў у міжнародных спаборніцтвах пад афіцыйнымі сцягамі сваіх дзяржаў.

Санкцыі МАК уключаюць:

  • забарону на ўдзел у міжнародных спартыўных мерапрыемствах, якія арганізуюцца або падтрымліваюцца Міжнароднай федэрацыяй (IF) або Нацыянальным алімпійскім камітэтам (NOC) у Расіі ці Беларусі.
  • Забарону на дэманстрацыю сцягоў, гімнаў, колераў або любых іншых апазнавальных знакаў Беларусі і Расіі на спартыўных мерапрыемствах і сустрэчах.
  • Адкліканне алімпійскіх ордэнаў у прэзідэнта Расійскай Федэрацыі Уладзіміра Пуціна і намесніка прэм'ер-міністра РФ Дзмітрыя Чарнышэнкі.

цМАК рашуча асудзіў палітыку беларускага і расійскага ўрадаў, што «працягваюць вырашаць, якія спартсмены могуць удзельнічаць у міжнародных спаборніцтвах, а якія — не», назваўшы такія меры «непрымальным умяшаннем у аўтаномію спартыўных арганізацый і іх палітычны нейтралітэт»

У ходзе дэбатаў выконваючы абавязкі прэзідэнта Алімпійскага савета Азіі (АCA) прапанаваў садзейнічаць удзелу спартсменаў з Расіі і Беларусі ў спаборніцтвах у Азіі пад яе эгідай, выконваючы дзейныя санкцыі. Нічога не сказана таксама пра магчымасць удзелу спартсменаў пад нейтральнымі сцягамі.

На заканчэнне саміта яго ўдзельнікі выказалі салідарнасць з украінскімі спартсменамі і ўкраінскай алімпійскай супольнасцю.