Скандал у тэнісе. Беларускі трэнер верагодна датычны да дамоўных гульняў з топ тэнісістамі

Згодна з інфармацыяй ZDF, два цяперашнія тэнісісты з топ-50 мелі дачыненне да спартовага махлярства.

Нікалас Басілашвілі

Нікалас Басілашвілі

Беларускі трэнер Ягор Яцык, які трэніраваў расійскага тэнісіста Аслана Карацава і грузінскага тэнісіста Нікаласа Басілашвілі, у мінулым не менш за два разы прапаноўваў гульцам грошы за перанос тэнісных матчаў. Гэта вынікае з матэрыялаў расследавання Сусветнай тэніснай асацыяцыі ITF, якія ёсць у ZDF.
«Ён шмат гадоў займаўся махлярствам са стаўкамі, супрацоўнічаў з людзьмі, якія займаюцца дамоўнымі матчамі ў Расіі і Усходняй Еўропе У яго заўсёды з сабой шмат грошай, ён шукае маладых гульцоў, якія маюць праблемы. Фінансавыя ці псіхічныя. Якіх ён можа лёгка пераканаць грашыма» — сцвярджае ўсходнееўрапейскі трэнер, які пажадаў застацца ананімным.
«Яцык цесна супрацоўнічаў з абодвума гульцамі і назіраў за імі на працягу многіх гадоў. Яны абодва неверагодна таленавітыя гульцы. Але ў іх былі фінансавыя праблемы ў пачатку, а таксама фазы слабасці, і яны знізіліся ў рэйтынгу. У кожны крытычны момант іх кар'еры Яцык звяртаўся да тэнісістаў” — працягвае трэнер.

ПЯгор Яцык (зправа) і Аслан Карацаў

ПЯгор Яцык (зправа) і Аслан Карацаў


У распараджэнні ZDF ёсць выпадкі пяці нібыта перанесеных матчаў з незвычайна высокімі ваганнямі ставак, да якіх нібыта датычны Карацаў. Два матчы прыйшліся на перыяд супрацоўніцтва з Яцыкам — парны ў Фінляндыі 2019 і парны ў Казахстане 2020.
Яцык і Карацаў былі дапытаныя французскай паліцыяй падчас адкрытага чэмпіянату Францыі ў 2020 годзе. Пра гэта 2 траўня ўжо паведамляла французская газета «L'Équipe». З таго часу нічога не адбылося.
Паводле даследаванняў ZDF, апошні раз Карацаў маніпуляваў турнірам ATP у Штутгарце. У парным разрадзе ў першым коле. Гаворка ідзе аб відавочна высокіх стаўках на паразу. Арганізатары паведамілі ZDF, што нічога не ведаюць аб дамоўным матчы.

karacau.jpg


Пажыццёва забаненая за махлярства на стаўках толькі былая дзяўчына Карацава Сафія Дзмітрыева.
— Немцы апублікавалі бяздоказныя абвінавачванні, — сказаў Яцык у каментары ТАСС пасля выхаду публікацыі ZDF.