Амбасадарка Вялікабрытаніі вярнулася ў Кіеў

Пра гэта сама амбасадарка Мелінда Сіманс паведаміла ў твітары.

«Гэта была доўгая дарога, але яна таго вартая. Так добра быць зноў у Кіеве», — напісала Мелінда Сіманс.
7 сакавіка стала вядома, што амбасадарка Вялікабрытаніі пакінула Украіну з меркаванняў бяспекі. Да гэтага яна некаторы час знаходзілася ў Львове, куды часова пераехала брытанская амбасада.
Нядаўна таксама паведамлялася, што неўзабаве ва Украіну вернуцца амерыканскія дыпламаты.