Двое вучняў школы ў Каларада адкрылі стральбу па аднакласніках

Па ўдакладненых дадзеных, адзін чалавек загінуў, сямёра параненыя. Паліцыя затрымала меркаваных стралкоў

Адзін чалавек загінуў, яшчэ сямёра атрымалі раненні ў выніку страляніны ў школе ў населеным пункце Хайлэндс-ранча у 40 км ад Дэнвера у штаце Каларада. Першапачаткова паведамлялася, што чацвёра пацярпелых шпіталізаваны ў цяжкім стане. Пазней стала вядома, што адзін з пацярпелых памёр у бальніцы.
Двое падазраваных у стральбе затрыманыя. Па дадзеных паліцыі, абодва - навучэнцы дадзенай школы, стральбу адкрылі па сваіх аднакласніках.
Якія матывы стралкоў, пакуль не вядома. Агенцтва Reuters са спасылкай на бацьку аднаго з вучняў, які стаў сведкам падзей, паведамляе, што адзін з стралкоў увайшоў у клас і пачаў страляць з пісталета, другі ўжо быў у класе. «Хлопец выцягнуў пісталет з футарала для гітары і пачаў страляць», - перадаў суразмоўца словы свайго сына.
Стральба адбылася каля 14:00 па мясцовым часе. Да месца здарэння былі накіраваныя супрацоўнікі паліцыі, ФБР і Бюро па кантролі за продажам алкагольных напояў, тытунёвых вырабаў, зброі і выбуховых рэчываў.
Вучняў школы эвакуявалі. Тэлеканал удакладняе, што ў навучальнай установе навучаюцца 1850 школьнікаў розных узростаў.
Паводле РБК