«Хай базы NATO стаяць у мяне ў прыбіральні». Што кажа моладзь РФ пра ўваход у NATO Швецыі і Фінляндыі

У Расіі правялі вулічнае апытанне сярод моладзі з нагоды пашырэння НАТА за кошт уступлення ў блок Швецыі і Фінляндыі. Людзей пыталіся, ці хацелі б яны пачаць вайну супраць гэтых краін.

Варта адзначыць, што маладыя расійцы адэкватна адказваюць на пытанні і саму ідэю вайны называюць абсурдам. Некаторыя кажуць, што ім хапае вайны супраць Украіны.

«Можна, калі ласка, каб базы NATO ўсталявалі прама ў мяне ў доме, пры гэтым мне не адключалі гарачую ваду. Можна, калі ласка, каб у мяне пенсія была нармальная, але базы NATO будуць стаяць проста ў мяне ў прыбіральні, мне пляваць», — кажа адзін з апытаных.