Ілан Маск можа пазбавіцца ўсіх пасадаў

Улады ЗША абвінавацілі Ілана Маска ў махлярстве з-за твіта аб выкупе акцый Tesla. Ён можа пазбавіцца ўсіх пасадаў. Такое пакаранне лічыцца адным з найбольш з тых, што Камісія па каштоўных паперах ЗША можа накласці на кіраўніка кампаніі.

7bxhkcld74j6tnf3tm2s7q.jpg


Камісія па каштоўных паперах і біржах ЗША падала ў федэральны суд у Нью-Ёрку пазоў да Ілана Маска — заснавальніка кампаніі Tesla, якая вырабляе электрамабілі. Маска абвінавачваюць у махлярстве з каштоўнымі паперамі.

Падставай для пазову стаў твіт Маска ад 7 жніўня, у якім ён заявіў, што думае ператварыць Tesla ў прыватную кампанію і гатовы выкупіць змешчаныя ў вольным звароце акцыі, калі каштоўныя паперы падаражэюць да 420 долараў. Маск адзначаў, што атрымаў фінансаванне на зваротны выкуп акцый Tesla. Bloomberg ацэньваў кошт такога ходу ў 66 мільярдаў долараў. Аднак у канцы жніўня Маск заявіў, што Tesla застанецца публічнай кампаніяй.

 

"Я абдумваю выкупіць Tesla за 420 долараў. Фінансаванне гарантаванае".

"Я абдумваю выкупіць Tesla за 420 долараў. Фінансаванне гарантаванае".


Амерыканскі фінансавы рэгулятар лічыць, што ілжывыя публічныя заявы Ілана Маска ўвялі інвестараў у зман. У камісіі заявілі, што на самай справе Маск не абмяркоўваў канкрэтныя ўмовы здзелкі з любымі патэнцыйнымі інвестарамі і, як мяркуецца, ведаў, што магчымая здзелка сумнеўная.

Пры гэтым, паводле версіі дзяржавы, заявы заснавальніка Tesla прывялі да росту кошту акцый яго кампаніі і да «значнай дэстабілізацыі фінансавага рынку».

Камісія па каштоўных паперах запатрабавала, каб Маску забаранілі быць кіраўнік або супрацоўнікам у публічных кампаніях (менавіта ёй з'яўляецца Tesla). Такое пакаранне лічыцца адным з найбольш сур'ёзных сродкаў судовай абароны з тых, што камісія можа накласці на кіраўніка кампаніі, адзначае The New York Times.

Камісія па каштоўных паперах падчас прэс-канферэнцыі паведаміла, што Ілан Маск абраў цану ў 420 доляраў для выкупу акцый, каб «пацешыць» сваю дзяўчыну, канадскую спявачку Grimes, паколькі гэты лік адсылае да культуры ўжывання марыхуаны. Прэс-сакратар Tesla паведаміў, што ў кампаніі няма каментароў з гэтай нагоды.

Маск у адказ абвінаваціў Камісію па каштоўных паперах ЗША ў неапраўданых дзеяннях, якія засмуцілі i расчаравалі яго, паведамляе TechCrunch. «Я заўсёды дзейнічаў у інтарэсах праўды, празрыстасці і інвестараў. Сумленнасць — гэта самае важнае ў маім жыцці, і факты дакажуць, што я ні разу не паступіўся гэтым [прынцыпам]», — сказаў бізнесовец.

У верасні міністэрства юстыцыі ЗША пачало крымінальнае расследаванне ў дачыненні да кампаніі Tesla з-за твіта Ілана Маска аб выкупе акцый кампаніі з біржы, паведамляла агенцтва Bloomberg. Па гэтай справе Маску пакуль не высунулі ніякіх абвінавачванняў.

Паводле meduza.io