Егіпет ахоплены кровапралітнымі сутыкненнямі

Па меншай меры 30 чалавек былі забітыя ў ходзе баёў паміж прыхільнікамі і праціўнікамі звергнутага прэзідэнта Мурсі.



Сутыкненні паміж прыхільнікамі і праціўнікамі звергнутага прэзідэнта Егіпта Мухамеда Мурсі працягваліся ўсю ноч, у выніку чаго па меншай меры 30 чалавек забіты ў Каіры і іншых частках краіны.
 

Гвалт распачаўся, калі тысячы прыхільнікаў Мурсі выйшлі на вуліцы ў пятніцу ў знак пратэсту супраць звяржэння першага дэмакратычна абранага прэзідэнта ў выніку вайсковага перавароту.
 

Гібель трох прыхільнікаў Мурсі  — забітых у выніку абстрэлу, калі яны спрабавалі прайсці маршам да ваеннай казармы, дзе, як мяркуюць, утрымліваецца Мурсі  — справакавала хаос.
 

Прыхільнікі Мурсі абвінавачваюць ваенных за гэты інцыдэнт, армія сваю віну адмаўляе.
 

«Мы не прымаем нічый бок. Наша місія заключаецца ў забеспячэнні бяспекі жыцця пратэстуючых»,  — паведаміў ваенны прадстаўнік палкоўнік Ахмед Алі.

Паводле Аль-Джазіра