Крымская «улада» заяўляе, што Крым з сённяшняга дня знаходзіцца ў складзе Расіі

Рэферэндум павінен толькі пацвердзіць гэтае рашэнне.



Рашэнне крымскага парламента аб далучэнні Крыму да Расійскай Федэрацыі ўступае ў сілу неадкладна. Пра гэта 6 сакавіка заявіў расейскаму агенцтву «Інтэрфакс» першы віцэ -прэм'ер крымскага ўрада Руслан Цеміргаліеў.

Як паведамляецца, крымскія «улады» заявілі пра нацыяналізацыю ўсёй украінскай дзяржаўнай уласнасці, а таксама пра тое, што ўкраінскія вайскоўцы цяпер будуць разглядацца як «акупанты».