Дзярждума хоча ўвесці крымінальную адказнасць за «антырасійскія» артыкулы

Дэпутат Дзяржаўнай думы Яўген Фёдараў («Адзіная Расія») рыхтуе праект закона аб унясенні зменаў у Адміністрацыйны і Крымінальны кодэксы РФ, а таксама ў законы па супрацьдзеянні тэрарызму і экстрэмізму.



Як пішуць Известия, папраўкі тычацца ўстанаўлення адміністрацыйнай і крымінальнай адказнасці для кіраўнікоў сродкаў масавай інфармацыі, «якія дапускаюць публікацыі з ілжывай антырасійскай інфармацыяй, забяспечваюць інфармацыйную падтрымку экстрэмісцкім і сепаратысцкім сілам антырасійскай накіраванасці, у тым ліку і пры адлюстраванні падзей за межамі Расіі». Падставай да распрацоўкі законапраекта сталі публікацыі ў расійскіх СМІ, у якіх аўтары, на думку парламентарыя, дапускалі некарэктныя гістарычныя аналогіі і трактоўку падзей у Расіі і масавых пратэстаў у Украіне. 
«У лік дзяржаўных злачынстваў уключаецца свядомы падман аўдыторыі работнікамі СМІ, накіраваны на падтрымку тэрарызму, інтэрвенцыі, сепаратызму і генацыду», - сказаў аўтар закона.
Новая крымінальная норма аб прызнанні антырасійскіх публікацый дзяржаўным злачынствам, па думцы заканадаўца, павінна з'явіцца ў 10-м раздзеле КК РФ «Злачынствы супраць дзяржаўнай улады», у якім, сярод іншага, змяшчаюцца артыкулы аб шпіянажы, дзяржаўнай здрадзе і ўзброеным паўстанні.