Паліцыя Чачні спыніла крымінальную справу супраць Амрыева
Паліцыя Чачні спыніла крымінальны пераслед супраць спартсмена Мурада Амрыева, паведамляе Інтэрфакс са спасылкай на прэс-службу рэспубліканскага МУС.
Фота з facebook Мурада Амрыева
«Дазнаўцам аддзела паліцыі нумар 3 упраўлення МУС па горадзе Грозны 14 чэрвеня гэтага года вынесена пастанова аб спыненні крымінальнай справы, узбуджанай па частцы 3 артыкула 327 КК РФ, па якім Мурад Амрыеў праходзіў у якасці падазраванага», — сказаў прадстаўнік паліцыі.
Нагадаем, спартсмена, які знаходзіўся ў вышуку па запыце чачэнскіх уладаў, абвінавачвалі ў выкарыстанні падробнага пашпарта.