Турэцкі міністр заклікаў перагледзець дамову з ЕС аб мігрантах
Улады Турцыі павінны часткова перагледзець дамову з Еўрасаюзам аб прыёме мігрантаў, паведаміў турэцкі міністр па справах ЕС Амер Чэлік.
Дагавор Турцыі і ЕС аб прыёме мігрантаў быў падпісаны ў сакавіку мінулага года. Фота AFP
Паводле яго слоў, уладам варта перагледзець палажэнні, якія рэгулююць перамяшчэнне бежанцаў па тэрыторыі Турцыі і Еўрасаюза. Акрамя таго, міністр заклікаў прадухіляць перасячэнне мігрантамі Эгейскага мора, бо гэта ўжо прывяло да сотням ахвяраў.
У сакавіку мінулага года ўлады Турцыі і кіраўнікі ўрадаў краін-чальцоў Еўрасаюза ўзгаднілі план, накіраваны на вырашэнне міграцыйнага крызісу ў Еўропе.
Анкара пагадзілася прымаць мігрантаў у абмен на атрыманне фінансавай дапамогі ад ЕС і на ўвядзенне бязвізавага рэжыму з краінамі Еўрасаюза для турэцкіх грамадзян.
Аднак рэальнага прасоўвання ў пытанні прадастаўлення Турцыі бязвізавага рэжыму з ЕС не было. На гэтым фоне ў маі мінулага года прэзідэнт Турцыі Рэджэп Таіп Эрдаган прыгразіў заблакаваць пагадненне з Еўрасаюзам.
У снежні Эрдаган заявіў, што Турцыя гатова стаць паўнапраўным сябрам ЕС, а ў сакавіку адносіны ЕС і Турцыі зноў абвастрыліся: Анкара абвінаваціла Германію і Нідэрланды ў нацызме пасля таго, як улады гэтых краін забаранілі правядзенне турэцкіх мітынгаў.
Паводле ВВС