Туркменістан. Забараніць бікіні і шорты?

У Туркменістане забаранілі ўвозіць для продажу жаночыя купальнікі-бікіні і шорты. Пра гэта паведамілі гандляры адзеннем.

Афіцыйных каментараў няма, аднак супрацоўнікі мытнай службы на ўмовах ананімнасці кажуць пра кампанію змагання за мараль. Маўляў, улады вырашылі, што туркменскім дзяўчатам не варта насіць купальнікі. 

Між тым, з набліжэннем лета попыт на гэтае адзенне толькі расце. Варта адзначыць, што летам тэмпература ў Туркменістане можа дасягаць 50 градусаў. 

Трэба дадаць, што разнастайныя абмежаванні наконт знешняга выгляду грамадзян туркменскімі ўладамі ўводзяцца даўно. Пэўны час у рэспубліцы дзейнічалі забароны нават на залатыя зубы.

 Праца над абліччам жыхарак рэспублікі актывізавалася ў сакавіку гэтага года, калі жанчынам — супрацоўніцам дзяржустаноў забаранілі цэлы шэраг папулярных касметычных працэдур, у тым ліку фарбаваць і нарошчваць пазногці, а таксама фарбаваць валасы ў белы колер. У сувязі з гэтым туркменская мытня перастала прапускаць у краіну светлыя фарбы для валасоў, а таксама сродкі для меліравання.

Паводле туркменскай прэсы