У Францыі для барацьбы з тэрарыстамі створаць нацгвардыю ў 84 тысячы чалавек

Камплектацыя складу французскай нацгвардыі павінны быць завершана ў 2019 годзе, паведамляе gordonua.com.

У Францыі будзе створана нацыянальная гвардыя, у склад якой увойдуць 84 тысячы чалавек. Пра гэта заявіў міністр унутраных спраў краіны Бернар Казнеў, перадае мясцовае выданне Le Figaro.
Паводле яго слоў, прычынай для прыняцця гэтага рашэння стаў шэраг тэрактаў на тэрыторыі Францыі, якія адбыліся ў апошні час.
Адзначаецца, што камплектацыю складу французскай нацгвардыі павінны завяршыць да 2019 года.
Апошні тэракт у Францыі адбыўся ў ноч на 15 ліпеня на Англійскай набярэжнай горада Ніцы, размешчанага ў 30 кіламетрах ад Кан. Грузавік заехаў у натоўп людзей, што сабраліся на святкаванне Дня ўзяцця Бастыліі. У выніку здарэння загінулі 84 чалавекі. Тэракт у Ніцы здзейсніў 31-гадовы выхадзец з Туніса, забіты паліцэйскімі пасля наезду на людзей. Пазней у ІД узялі на сябе адказнасць за напад.