У Кіеве прайшоў арганізаваны Саакашвілі «Марш абураных»

У Кіеве прайшоў так званы «Марш абураных». Акцыя была арганізавана былым прэзідэнтам Грузіі, лідэрам ўкраінскага апазіцыйнага руху «Рух новых сіл» Міхаілам Саакашвілі. У маршы ўдзельнічалі каля тысячы чалавек, паведамляе карэспандэнт Радыё Свабода.

Шэсце ў падтрымку патрабаванняў да Вярхоўнай Рады прыняць законы аб імпічменце прэзідэнта Украіны Пятра Парашэнкі і аб стварэнні антыкарупцыйнага суда пачалося на Міхайлаўскай плошчы Кіева і завяршылася на плошчы Канстытуцыі каля Вярхоўнай Рады. Як заявіў журналістам паплечнік Саакашвілі, былы намеснік генпракурора Украіны Давід Сакварэлідзэ, калі ўлады не прыслухаюцца да патрабаванняў пратэстуючых, то з 3 снежня будзе запушчаны працэс «народнага імпічменту» Парашэнкі.
Разам з Саакашвілі на чале калоны ішлі яго жонка Сандра Рулафс і іх малодшы сын Нікалаз. Дэманстранты час ад часу скандавалі: «Імпічмент!», «Банду - прэч!» і «Карупцыя - забівае!». Дэманстрантаў суправаджалі некалькі сотняў паліцыянтаў.
Марш у цэнтры Кіева стаў чарговай акцыяй прыхільнікаў Саакашвілі, якія 17 кастрычніка ўсталявалі намётавы гарадок каля Вярхоўнай Рады. Пратэсты каля сцен парламента пачаліся больш чым праз месяц пасля таго, як Саакашвілі, пазбаўлены летам ўкраінскага грамадзянства па ўказе Парашэнкі, прарваліся ў краіну праз польска-ўкраінскую мяжу. Да раней высунутых патрабаванняў мітынгоўцаў аб адмене дэпутацкай недатыкальнасці, змяненні выбарчага заканадаўства і стварэнні антыкарупцыйнага суду 7 лістапада было дададзена яшчэ адно — прыняць закон «Аб імпічменце прэзідэнта Украіны».
У адказ на заклікі актывістаў парламентарыі накіравалі на ацэнку ў Канстытуцыйны суд Украіны законапраект аб адмене дэпутацкай недатыкальнасці (гэтая працэдура з'яўляецца першым этапам у прыняцці адпаведнага закона) і ў першым чытанні прынялі выбарчы кодэкс. Гэтыя рашэнні народных выбраннікаў Міхаіл Саакашвілі назваў «першай перамогай» пратэстуючых і заявіў, што намётавы гарадок каля Вярхоўнай Рады будзе заставацца да канчатковага выканання вылучаных уладам патрабаванняў.
Паводле svoboda.org