У Малдове віно не лічаць алкагольным напоем

Парламент Малдовы гатовы прызнаць віно не алкагольным, а харчовым прадуктам. 

Пра гэта паведамляе espreso.tv са спасылкай на NewsMaker: у апошні працоўны дзень мінулага тыдня, 16 снежня, парламент краіны ўхваліў у першым чытанні адпаведны законапраект аб прызнанні віны харчовым прадуктам.
Так, законапраект прадугледжвае лібералізацыю рынку продажу напою і дазвол на яго рэкламу.
Па словах аўтара законапраекта незалежнага дэпутата Ёна Балана, у апошнія гады насельніцтва Малдовы прымае больш моцных алкагольных напояў: штогод грамадзяне Малдовы выпіваюць 70 млн літраў алкаголю крэпасцю ад 30 градусаў і вышэй, 150 млн літраў піва і толькі 15 млн літраў віна.
«Час прыцягнуць насельніцтва да культуры ўжывання натуральнага вінаграднага віна. Гэта станоўча адаб'ецца на здароўе грамадзян і будзе спрыяць развіццю мясцовага бізнесу», — адзначае ініцыятар законапраекта.
Выданне адзначае, што сябры камісіі па правах чалавека раскрытыкавалі законапраект, які, на іх думку, лібералізуе ўвесь рынак збыту алкаголю, а не толькі рынак віна.