Выбух на мітынгу ў Пакістане: загінулі 70 чалавек

У правінцыі Белуджыстан прагрымеў выбух на перадвыбарчым мітынгу. Выбухоўку ў натоўпе падарваў смяротнік. Галоўнай мэтай нападу мог быць адзін з кандыдатаў на маючых адбыцца выбарах у парламент.

Фота: twitter.com/kunalgrewal993

Фота: twitter.com/kunalgrewal993


На паўднёвым захадзе Пакістана ў правінцыі Белуджыстан прагрымеў выбух на перадвыбарным мітынгу. 
Паводле папярэдніх дадзеных, у выніку інцыдэнту загінулі 70 чалавек, перадае ў пятніцу, 13 ліпеня, Associated Press.

Адзначана, што выбухоўку ў натоўпе падарваў смяротнік. Мясцовыя медыя адзначаюць, што галоўнай мэтай нападу мог быць адзін з кандыдатаў на маючых адбыцца выбарах у парламент, прадстаўнік Нацыянальнай партыі Авамі Сіраж Райзані. Яго шпіталізавалі ў крытычным стане.

Спачатку паведамлялася, што ў выніку выбуху загінулі 20 чалавек. За некалькі гадзін колькасць ахвяр павялічылася больш чым удвая.

Гэта ўжо трэці за суткі напад на перадвыбарчых мітынгах у Пакістане. Выбары ў парламент краіны запланаваны на 25 ліпеня.

Паводле korrespondent.net

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: